No pleno, o goberno de coalición de MAS, CIG, CGT e UGT repartiu os postos do comité de empresa de forma que se marxina a CCOO, o sindicato que gañou as últimas eleccións.
CCOO co 30% ten a mesma representación na permanente que UGT cun 9%.
Presidencia
CCOO presentou candidatura a presidente, secretario e vicesecretario sen obter ningún voto do resto de sindicatos. O presidente do comité será de MAS, o secretario de CIG e o vicesecretario de CGT.
Comisións
Antes da votación, MAS propuxo quitar un membro a Produtividade e aumentar becas de 2 a 3 coa oposición de CCOO, becas só ten traballo durante 2 meses. CCOO presentou candidatura a todas as comisión de traballo excepto unha dado que segundo o resultado
correspondíanlle 3, o goberno de coalición bloqueou todas as propostas de CCOO excepto a coordinación de becas.
Non contentos con isto escolleron primeiro o reparto dos membros das comisión deixando a CCOO para o final e no puidemos ter representante en Industria Auxiliar porque MAS colleu 2 representantes véndonos forzados a coller todos os membros de becas.
Saúde Laboral
O goberno de coalición non tiña repartido o Comité de Seguridade e Saúde Laboral e acordaron pospoñer a elección coa oposición de CCOO, a prevención sempre foi o primeiro e por iso sempre se escolleu o primeiro día.
CCOO seguirá tendendo a man para traballar mellorando o marco laboral e apostando polo futuro desta factoría
